معیشت چندے، حکومت چابی اور ملک جادو سے نہیں چلتا، بزدل وزیر اعظم اپوزیشن کیلئے شیر بنا پھرتا ہے: بلاول بھٹو زرداری

گھوٹکی کا نمک کھا کرکہتا کہ سندھ کی ضرورت نہیں، تم ہوتے کون ہو کٹھ پتلی؟ تمہیں صرف سندھ کے وسائل کی ضرورت ہے، تم ملک کو ون یونٹ بنانا چاہتے ہو، وزیرخزانہ معاشی دہشتگرد ہے، کہاں گئے گھراورنوکریاں؟ حکومت چابی سے نہیں چلتی۔ گڑھی خدابخش میں شہید ذوالفقار بھٹو کی برسی سے خطاب

گڑھی خدا بخش :چیئرمین پیپلز پارٹی بلاول بھٹو زرداری کا کہنا ہے کہ سلیکٹڈ وزیر اعظم بھٹو کا آئین ختم کرنے کی کوشش کر رہا ہے، تمہیں وارننگ دے رہا ہوں کہ اٹھارہویں ترمیم ختم کرنے کی کوشش کی تو میں ایک لات مار کر آپ کی حکومت ختم کردوں گا، بے نامی وزیر اعظم کو یہ سمجھ نہیں آتا کہ اٹھارہویں ترمیم سے ہم نے صوبوں کو مضبوط کیا، کوئی انہیں سمجھائے کہ معیشت چندے، حکومت چابی اور ملک جادو سے نہیں چلتا ، یہ کس قسم کا بزدل وزیر اعظم ہے جو نہ مودی کے خلاف بات کرتا ہے اور نہ ہی کالعدم تنظیموں اور دہشتگردوں کے خلاف بات کرتا ہے مگر اپوزیشن کیلئے بڑا شیر بنا پھرتا ہے۔ پیپلز پارٹی نے ہمیشہ عدالت سے انصاف کی امید رکھی حالانکہ ہمیں اکثر عدالت سے مایوسی ملی، انصاف اس وقت تک شروع نہیں ہوسکتا جب تک بھٹو کے عدالتی قتل کا انصاف نہیں مل جاتا۔

یہ بھی ضرور پڑھیں    :”اگر کسی نے غلطی کی تو اسے سزا دیں ،میرا کیا قصور ہے “پشاور میٹرو بس منصوبے میں تاخیر پر پرویز خٹک کی گفتگو

چیئرمین پیپلز پارٹی نے کہا کہ اس بے نامی وزیر اعظم کو یہ تک معلوم نہیں کہ مضبوط صوبے ہی مضبوط وفاق کی علامت ہیں ہم بھٹو کا آئین ختم نہیں ہونے دیں گے اور اس ملک کو ون یونٹ نہیں بننے دیں گے، تم کوشش کرو لیکن ہم تمہارے سامنے دیوار کی طرح کھڑے ہوجائیں گے، تمہیں وارننگ دے رہا ہوں کہ اٹھارہویں ترمیم ختم کرنے کی کوشش کی تو میں ایک لات مار کر آپ کی حکومت ختم کردوں گا۔خان گھوٹکی آکر سندھ کا نمک کھا کر کہتا ہے کہ اسے سندھ کی ضرورت نہیں ہے تم کون ہو کٹھ پتلی، سندھ کو تمہاری ضرورت نہیں، اسے سندھ نہیں سندھ کے وسائل چاہئیں، یہ سندھ کے 120 ارب روپے پر سانپ بن کر بیٹھا ہوا ہے۔اٹھارہویں ترمیم کے ذریعے ہم نے چاروں صوبوں کو مضبوط کیا لیکن اس بے نامی وزیر اعظم کو یہ بات سمجھ نہیں آتی۔

یہ بھی ضرور پڑھیں    : دوا سازکمپنیوں نے ادویات کی قیمتوں میں خودساختہ اضافہ کردی

انہوں نے کہا کہ پی ٹی آئی کی حکومت نے جھوٹ کے سوا کوئی کام ایمانداری سے نہیں کیا ، الیکشن سے پہلے دکھائے گئے سنہری خوابوں کے برعکس پی ٹی آئی حکومت اپنے ساتھ مہنگائی کا سونامی لے آئی ہے، پٹرول اور بجلی کی قیمتیں بڑھادی ہیں، دواﺅں کی قیمتیں بھی بڑھادی ہیں، یعنی صحت کا انصاف کہتا ہے کہ اگر آپ غریب ہیں اور بیمار ہوجاتے ہیں تو بہتر ہے کہ آپ مر جائیں، کہاں گئے آپ کے 50 لاکھ گھر اور کہاں گیا آپ کا ایک کروڑ نوکریوںکا وعدہ؟ نوکریاں دینا تو درکنا ر آپ تو لوگوں کا روزگار چھین رہے ہیں، کوئی انہیں سمجھائے کہ معیشت چندے، حکومت چابی اور ملک جادو سے نہیں چلتا ۔