سرکاری ملازمین کیلئے آئندہ ہفتے کی ہفتہ وار تعطیل ختم کر دی گئی

عیدالاضحیٰ کی تعطیلات کے بعد 17 اگست بروز ہفتہ کو تمام سرکاری ملازمین کو حاضری یقینی بنانے کی ہدایت

اسلام آباد : سرکاری ملازمین کیلئے آئندہ ہفتے کی ہفتہ وار تعطیل ختم کر دی گئی، عیدالاضحیٰ کی تعطیلات کے بعد 17 اگست بروز ہفتہ کو تمام سرکاری ملازمین کو حاضری یقینی بنانے کی ہدایت۔ تفصیلات کے مطابق حکومت نےعید الاضحی کے فوری بعد 17 اگست بروز ہفتہ کی ہفتہ وار تعطیل ختم کر دی ہے۔ وزارت داخلہ کی جانب سے اعلان کیا گیا ہے کہ عید الاضحیٰ کی تعطیلات کے بعد 17 اگست کو کسی بھی سرکاری ادارے میں تعطیل نہیں ہوگی۔

ضرور پڑھیں: مریم نواز کی گرفتاری قابل مذمت ، جھوٹ کی ترجمانی بند نہ ہوئی تو بڑا حادثہ ہوگا :شہبازشریف

17 اگست کو تمام سرکاری ادارے کھلے رہیں گے، اور تمام ملازمین کو اپنی حاضری یقینی بنانا ہوگی۔ وزارت داخلہ نے عید الاضحیٰ کیلئے سرکاری تعطیلات کا نوٹیفیشکن بھی جاری کر دیا ہے۔ وزارت داخلہ کی جانب سے جاری کردہ نوٹیفیشکن کے مطابق ملک کے تمام سرکاری اداروں میں عید الاضحیٰ کے سلسلے میں 12 اگست بروز پیر سے لے کر 15 اگست بروز جمعرات تک تعطیلات ہوں گی۔

جبکہ 16 اگست بروز جمعہ سے تمام دفاتر معمول کے مطابق کھلیں گے۔ حکومت نے جمعہ کے روز سرکاری اداروں میں ملازمین کی حاضری یقینی بنانے کا حکم بھی دیا ہے۔ واضح رہے کہ پاکستان میں عید الاضحیٰ 12 اگست بروز اتوار کو منائی جائے گی۔ اس برس ملک بھر میں عید الاضحیٰ ایک ہی روز منائی جائے گی