اسلام آباد : جمعیت علماء اسلام ف کے سربراہ مولانا فضل الرحمان نے کہا ہے کہ اسلام آباد میں آزادی مارچ اکتوبر میں کیا جائے گا، ہم پرامن لوگ ہیں اورملین مارچ پرامن ہوگا، دینی مدارس کے حوالے سے تنظیم المدارس کے مطالبات تسلیم کرتے ہیں۔ جےیوآئی کے سربراہ مولانا فضل الرحمان نے آج اسلام آباد میں پریس کانفرنس کرتے ہوئے کہا کہ حکومت کی خارجہ پالیسی مکمل طورپرناکام ہورہی ہے۔
یہ بھی ضرور پڑھیں : یوٹیلیٹی سٹورز پر گھی ،کوکنگ آئل اور چائے کی پتی مہنگی ہو گئی
کشمیرمیں انسانی حقوق کی کھلی خلاف ورزی کی جا رہی ہے۔ عالمی برادری نے مجرمانہ طور پر کشمیرکے معاملے پرآنکھیں بند کررکھی ہیں۔ ہم کشمیریوں کے ساتھ کھڑے ہیں، کشمیرمیں کرفیونافذ ہے اور کشمیریوں کے پاس راشن بھی ختم ہوگیا ہے،کشمیرمیں بدترین انسانی حقوق کی خلاف ورزیاں جاری ہیں۔
انہوں نے کہا کہ حکومت کے خلاف اکتوبرمیں اسلام آباد میں آزادی مارچ کا فیصلہ کیا ہے۔
ہم پرامن لوگ ہیں اورملین مارچ پرامن ہوگا۔ مولانا فضل الرحمان نے کہا کہ دینی مدارس کے حوالے سے تنظیم المدارس کے مطالبات تسلیم کرتے ہیں۔ دوسری جانب دوسری جانب وفاقی وزیر سائنس و ٹیکنالوجی فواد چوہدری نے کہا کہ نوازشریف اور مریم نواز بتادیں کہ پیسے کیسے آئے تو کل رہا ہوجائیں گے، فضل الرحمان کی سربراہی میں کشمیر کمیٹی پر 3 سال میں کروڑوں خرچ ہوگئے، مولانا فضل الرحمان کے لئے اسلام نہیں اسلام آباد اہم ہے، کھالوں کی قیمتیں کم ہوئی ہیں، مولانا فضل الرحمان اگلے دو سال میں ویسے ہی فارغ ہو جائیں گے، کشمیر پر پاکستان کا سفارتی اور سیاسی نظریہ بالکل صحیح ہے، ہم درست طریقے سے آگے بڑھ رہے ہیں۔
یہ بھی ضرور پڑھیں : آصفہ بھٹو کا الیکشن میں حصہ لینے کا ا فیصلہ
لاہور میں میڈیا سے گفتگو کرتے ہوئے فواد چوہدری نے کہا کہ کشمیر پر پاکستان کا سفارتی اور سیاسی نظریہ بالکل صحیح ہے، ہم درست طریقے سے آگے بڑھ رہے ہیں۔ وزیراعظم کا دورہ امریکا بہت سود مند رہا، سلامتی کونسل نے کشمیرکو بھارت کا اندرونی معاملہ تسلیم نہیں کیا، امریکی صدر نے عمران خان اور مودی سے 2،2 بار بات کی، ٹرمپ نے کہا کہ وہ فرانس میں بھارت کے ساتھ معاملہ اٹھائیں گے۔
وزیراعظم 27 ستمبر کو یو این کی جنرل اسمبلی میں خطاب کریں گے۔وفاقی وزیر نے کہاکہ دو ایٹمی طاقتیں آنکھوں میں آنکھیں ڈال کر کھڑی ہیں، بھارت امن چاہتا ہے تو امن دکھائیں گے، جنگ چاہتے ہیں تو اس کے لیے بھی تیار ہیں، بھارت سے تین جنگیں لڑچکے، چوتھی کے لیے بھی تیار ہیں، ہمارا بچہ بچہ جنگ کا سامنا کرنے کیلئے تیار ہے، آپ ہمیں مکا دکھائیں گے تو ہم آپ کا جبڑا توڑنے کی صلاحیت رکھتے ہیں۔
کوئی تبصرے نہیں:
ایک تبصرہ شائع کریں