مکہ مکرمہ : وزیراعظم عمران خان نے اہلیہ اور خاتون اول بشریٰ بی بی کے ہمراہ عمرہ کی سعادت حاصل کر لی۔ تفصیلات کے مطابق وزیراعظم عمران خان اہلیہ کے ہمراہ جب خانہ کعبہ کا طواف کررہےتھے تب ہی وہاں موجود ایک شخص نے اپنے موبائل سے ویڈیو بناتے ہوئے اونچی آواز میں کہا کہ عمران خان آپ بہت جھوٹے ہیں، آپ نے جھوٹ بول کر ہم سے ووٹ لیا ہے۔
اللہ تمہیں ہدایت دے جھوٹے انسان۔ بہت جھوٹا ہے تو ۔ اس ویڈیو کو آپ بھی ملاحظہ کیجئیے:
اس ویڈیو کو سوشل میڈیا پر مقبولیت حاصل ہو رہی ہے جبکہ عمران خان کے مخالفین بھی اس ویڈیو سے فائدہ اُٹھا رہے ہیں اور کہہ رہے ہیں کہ حرم شریفمیں بھی ایک شہری نے جھوٹ بولنے پر عمران خان کو شرمندہ کر دیا۔
یاد رہے کہ وزیراعظم عمران خان خاتون اول بشریٰ بی بی اور وفد کے ہمراہ اس وقت سعودی عرب میں موجود ہیں۔
یہ بھی ضرور پڑھیں : رشید اے رضوی نے جسٹس قاضی فائز عیسیٰ کیخلاف ریفرنس کو ٹارگٹڈ قرار دیدیا
گذشتہ روز وزیراعظم عمران خان او آئی سی کانفرنس میں شرکت کے لیے تین روزہ دورے پر سعودی عرب پہنچے تھے۔ جہاں انہوں نے روضہ رسولﷺ پر حاضری دی اور مسجد نبوی میں نوافل بھی ادا کیے۔اس موقع پر پاکستانیوں کی بڑی تعداد ان کے ارد گرد جمع ہوگئی، وزیراعظم نے مسجد نبوی کے احترام میں پاکستانیوں کو نعرے لگانے سے روک دیا تھا۔ تاہم اب وزیراعظم عمران خان نے اہلیہ بشریٰ بی بی کے ہمراہ عمرہ کی سعادت بھی حاصل کر لی ہے۔
اس حوالے سے سوشل میڈیا پر کئی تصاویر اور ویڈیوز وائرل ہو رہی ہیں جن میں وزیراعظم عمران خان اور خاتون اول بشریٰ بی بی کو خانہ کعبہ کا طواف کرتے اور عمرہ کی سعادت حاصل کرتے ہوئے دیکھا جا سکتا ہے۔ ان تمام تصاویر میں ایک تصویر ایسی بھی سامنے آئی جس میں وزیراعظم عمران خان کو خاتون اول بشریٰ بی بی کا ہاتھ تھامے خانہ کعبہ کے گرد طواف کرتے دیکھا گیا۔
کوئی تبصرے نہیں:
ایک تبصرہ شائع کریں