وزیر اعظم عمران خان کی بہن علیمہ خان کی دبئی کے بعد امریکہ میں جائیداد

علیمہ خان نیوجرسی میں واقع 4 منزلہ فلیٹس کی مالک نکلیں،انکے فلیٹس کی موجودہ مالیت 45 کروڑ ہے

وزیر اعظم  عمران خان کی بہن علیمہ خان کی دبئی کے بعد امریکہ میں جائیداد سامنے آنے کا انکشاف ہوا ہے۔وزیر اعظم عمران خان کی ہمشیرہ علیمہ خان نیوجرسی میں واقع 4  منزلہ فلیٹس کی مالک ہیں ۔انکے فلیٹس کی موجودہ مالیت 45 کروڑ ہے۔تفصیلات کے مطابق وزیر اعظمعمران خان کی ہمشیرہ ایک اور غیر ملکی جائیداد کی مالک نکلیں۔

ضرور پڑھیں: پیپلز پارٹی پر مقدمات کی وجہ سے نیب قانون میں ترمیم نہ کی :ن لیگ کے سینیٹر مصدق ملک نے غلطی کااعتراف کرلیا

وہ دبئی کے بعد امریکہ میں بھی مہنگی جائیداد کی مالک نکلیں۔وہ امریکہ میں نیو جرسی میں واقع 4 منزلہ فلیٹس کی مالک ہیں۔اس فلیٹس کی ملکیت کے لیے علیمہ خان کے بیٹے شاہ ریز کا رابطہ نمبر دیا گیا ہے۔یہ جائیداد شاہ ریز نے والد کے بزنس پارٹنر کی پاور آف اٹارنی استعمال کرتے ہوئے خریدی۔یہ جائیداد 2004 میں خریدے جانے کا انکشاف ہوا ہے جبکہ اس جائیداد کا 2017 کے ٹیکس گوشواروں میں کوئی ذکر نہیں ہے۔