نواز شریف کی طبیعت بگڑ گئی، دعاوں کی اپیل کر دی گئی

سابق وزیراعظم کی صحت ٹھیک نہیں، انہیں ذاتی معالج سے ملاقات کی اجازت 

نہیں دی جا رہی، قوم ان کیلئے دعا کرے: رہنما مسلم لیگ ن عظمیٰ بخاری

رہنما مسلم لیگ ن عظمیٰ بخاری کا کہنا ہے کہ نواز شریف کی طبیعت بگڑ گئی، دعاوں کی اپیل ہے، سابقوزیراعظم کی صحت ٹھیک نہیں، انہیں ذاتی معالج سے ملاقات کی اجازت نہیں دی جا رہی، قوم ان کیلئے دعا کرے۔ تفصیلات کے مطابق 24 دسمبر کو العزیزیہ ریفرنس کے سلسلے میں احتساب عدالت نے سابق وزیراعظم نواز شریف کو دوبارہ سے جیل کی سزا سنا دی تھی۔

 سابق وزیراعظم نواز کی درخواست پر احتساب عدالت نے انہیں اڈیالہ کی بجائے لاہور کے کوٹ لکھپت جیل منتقل کرنے کی منظوری دے دی تھی۔

ضرور پڑھیں: پی ٹی آئی کا رکن اسمبلی کروڑوں کی زمین پر قبضے میں ملوث

بعد ازاں نواز شریف کو لاہور کے کوٹ لکھپت جیل منتقل کر دیا گیا تھا۔ اب منگل کے روز کوٹ لکھپت جیل سے سابق وزیراعظم نواز شریف سے متعلق تشویش ناک خبر سامنے آئی ہے۔ مسلم لیگ ن کے رہنما اور رکن اسمبلی عظمیٰ بخاری کی جانب سے بتایا گیا ہے کہ کوٹ لکھپت جیل میں موجود نواز شریف کی صحت بگڑ گئی ہے۔ تاہم اس کے باوجود سابق وزیراعظم نواز شریف کو ان کے ذاتی معالج سے ملاقات کی اجازت نہیں دی جا رہی۔

عظمیٰ بخاری نے اپیل کی ہے کہ قوم ہی اب نواز شریف کیلئے دعا کرے۔سابق وزیراعظم نواز  تیز بخار میں مبتلا ہو گئے ہیں ۔نجی نیوز چینل جیو نیوز کے مطابق نواز شریف کو تیز بخار ،سردرد اور جسم میں دردکی شکایت ہے تاہم انہیں ذاتی معا لجین سے ملنے نہیں دیا جا رہا ۔جیل ذرائع کا کہنا ہے کہ ڈاکٹرز کی ٹیم نواز شریف کا طبی معائنہ کرے گی ۔واضح رہے کہ  سابق وزیراعظم نواز شریف پہلے ہی دل کے عارضے میں مبتلا ہیں ۔
 دوسری جانب منگل کے روز سابق وزیر اعظم و مسلم لیگ (ن) کے قائد محمد نواز شریف سے کوٹ لکھپت جیل میں انکی صاحبزادی مریم نواز نے ملاقات کی جو آدھا گھنٹہ تک جاری رہی۔ مریم نواز کے صاحبزادے جنید صفدر بھی انکے ہمراہ تھے۔ ذرائع کے مطابق ملاقات میں صحت اور جیل میں فراہم کی جانے والی سہولیات کے حوالے سے دریافت کیا ۔ جبکہ دونوں کے درمیان کیسوں میں پیشرفت اور قانونی مشاورت بھی کی گئی۔