ٹیسٹ میچ سے قبل راولپنڈی بڑی تباہی سے بچ گیا ،اسلحہ کی بھاری کھیپ برآمد

راولپنڈی : روالپنڈی بڑی تباہی سے بچ گیا ،کرکٹ میچ سے قبل پولیس نے بروقت کارروائی کرتے ہوئے خطرناک اسلحہ سے بھری گاڑی پکڑ لی ،ملزم کو  گرفتار کر کے مقدمہ درج کر لیا گیا ۔

ضرور پڑھیں: ایک ایکڑ زمین کے بدلے تینتیس قتل ......شیخوپورہ میں زمین کے چھوٹے سے ٹکڑے نے قیمتی جانیں ضائع کر دیں

تفصیلات کے مطابق  راولپنڈی سے اسلحہ کی بڑی کھیپ پکڑی گئی ہے، اے ایس پی سول لائنز بینش فاطمہ کی سربراہی میں ایس ایچ او ایرپورٹ نے اپنی ٹیم کے ہمراہ کارروائی کرتے ہوئے گاڑی میں چھپائے گئے خطرناک  اسلحہ پکڑ لیا ہے جبکہ  تابع اللہ نامی ملزم کو گرفتار کر کے مقدمہ بھی درج کر لیا ہے۔گاڑی سے پکڑے جانے والےاسلحہ میں12 بور کی10گنز ، 44 بور کی 7 رائفلز، 5 ایم پی  کی 2 رائفلز ، 53 میگزین اور بھاری مقدار میں ایمونیشن شامل ہے۔پولیس نے ملزم کے زیر استعمال گاڑی بھی قبضہ میں لے لی ہے۔ایس پی پوٹھوہار سیدعلی کاکہنا ہےکہ راولپنڈی پولیس کی کارروائی کرکٹ میچ سےقبل سی پی او محمد احسن یونس کے خصوصی سنیپ چیکنگ کے احکامات پر عملدرآمد کا نتیجہ ہے،ناجائز اسلحہ کئی جرائم کی جڑ ہے اور ناجائز اسلحہ کے خلاف کریک ڈاؤن جاری رہیگا۔دوسری طرف  سی پی او راولپنڈی محمد احسن یونس نے اسلحہ کی بڑی کھیپ پکڑنے پر ایس پی پوٹھوہار، اے ایس پی سول لائنز اور ٹیم کو شاباش دی ہے۔