پی ٹی آئی کے رکن پنجاب اسمبلی غضنفر عباس چھینہ کی جانب سے ارکان کی تنخواہوں میں اضافے کا پرائیویٹ بل پنجاب اسمبلی میں جمع

لاہو ر(ویب ڈیسک) ارکان پنجاب اسمبلی کی تنخواہوں میں اضافے کے لیے پرائیویٹ بل پنجاب اسمبلی میں جمع کرا دیا گیا۔ بنیادی تنخواہ میں اضافے سمیت 6 مراعات میں اضافے کے لیے ترامیم تجویز کر دی گئیں۔  

یہ بھی ضرور پڑھیں  :لاہور کے مضافات میں ایک پورا گاوں بجلی چوری میں ملوث نکلا 

دنیانیوز کے مطابق پرائیویٹ بل پاکستان تحریک انصاف (پی ٹی آئی) کے رکن پنجاب اسمبلی غضنفر عباس چھینہ کی جانب سے جمع کرایا گیا جس میں بنیادی تنخواہ سمیت چھ مراعات میں اضافے کے لیے ترامیم تجویز کی گئی ہیں۔پرائیوٹ بل میں بنیادی تنخواہ 18 ہزار سے بڑھا کر 3 لاکھ روپے، ڈیلی الاؤنس 1 ہزار سے بڑھا کر 4 ہزار روپے، کنوینس الاؤنس 6 سو روپے سے بڑھا کر 3 ہزار روپے کرنے کی تجویز دی گئی ہے۔

  یہ بھی ضرور پڑھیں  :راولپنڈی میں گھر میں گیس لیکیج دھماکا،خاتون سمیت 3 افراد جھلس کر جاں بحق 

اس کے علاوہ اس بل میں ایڈیشنل ٹریولنگ الاؤنس 1 لاکھ 20 ہزار سالانہ سے بڑھا کر 5 لاکھ روپے سالانہ، ہاؤس رینٹ 29 ہزار ماہانہ سے بڑھا کر 50 ہزار روپے، یوٹیلیٹی الاؤنس 6 ہزار سے بڑھا کر 20 ہزار روپے کرنے کی تجویز دی گئی ہے۔بل میں کہا گیا ہے کہ تواضع الاؤنس 10 ہزار سے بڑھا کر 50 ہزار روپے، قائمہ کمیٹی کے چئیرمین کے لیے ماہانہ پیٹرول الاؤنس 30 ہزار روپے ماہانہ اور گاڑی کی مرمت کا الاؤنس 12 ہزار روپے ماہانہ بڑھایا جائے۔