ایک ماہ دھرنا دے کردکھاتے تو ساری باتیں مان جاتا،عمران خان

اسلام آباد: وزیراعظم عمران خان نے کہا ہے کہ ایک ماہ دھرنا دے کردکھاتے تو ساری باتیں مان جاتا،نبی پاک ﷺ کے دین کو پیسا بنانے کیلئے بیچنا گناہ ہے،جھوٹ بول کر دھرنے میں لوگوں کو لایا گیا، جتنا بڑا مجرم ،اس نے کنٹینر پر اتنا زیادہ شور مچایا، ہم نے 126دن گزارے،دھرنے میں ہم سے زیادہ کوئی ایکسپرٹ نہیں۔انہوں نے آج ہزارہ موٹروے حویلیاں مانسہرہ سیکشن کی افتتاحی تقریب سے خطاب کرتے ہوئے کہا کہ مرادسعید کی تقریر سن کر سوچ رہا تھا کہ اللہ میرے ملک کے نوجوانوں میں اس طرح کا جنون پیدا کردے۔

ضرور پڑھیں: نیب راولپنڈی کا مفتی احسان مضاربہ سکینڈل کے متاثرین میں کروڑوں روپے کی رقم تقسیم کرنے کا فیصلہ

جنون صلاحیت اور عقل کو شکست دیتا ہے۔مجھے خوشی ہے کہ مراد ہماری سٹوڈنٹس فیڈریشن سے اوپر آئے،آج وفاقی وزیر ہیں۔ کوئی سیاسی رشتہ داری یا تعلق نہیں ہے، میرٹ پر اوپر آئے ہیں، پوسٹل سروسز اور محکمہ مواصلات دونوں خسارے میں تھے لیکن انہوں نے آکر اس کو سنبھالا دیا۔