ملک بھر میں شدید گرمی کی لہر برقرار، لاہور میں ہیٹ ویو الرٹ جاری

 آئندہ چند روز میں موسم مزید گرم ہوگا، گرم ہوائیں بھی چلیںگی ،محکمہ موسمیات

 ملک کے بیشتر علاقوں میں شدید گرمی کی لہر جاری ہے جب کہ محکمہ صحت پنجاب نے ہیٹ ویو الرٹ جاری کر دیا ہے۔ ملک کے بیشتر علاقے اس وقت جھلسا دینے والی گرمی کی لپیٹ میں ہیں، پنجاب، خیبرپختونخوا کے میدانی علاقوں اور سندھ میں شدید گرمی کی لہر برقرار ہے جب کہ قیامت خیز گرمی نے شہریوں کو بے حال کرکے رکھ دیا ہے۔

یہ بھی ضرور پڑھیں  : 3ججز کیخلاف ریفرنس کن بنیادوں پر دائر ہوا ، وزارت قانون وانصاف نے اعلامیہ جاری کردیا

دوسری جانب گرمی کی بڑھتی ہوئی شدت کے باعث محکمہ صحت پنجاب نے ہیٹ ویوالرٹ جاری کر دیا ہے، ڈی جی ہیلتھ پنجاب کی جانب سے جاری بیان میں کہا گیا ہے کہگرمی کی شدت سے بچے اور بزرگ افراد ہیٹ اسٹروک کا شکار ہو سکتے ہیں، گرمی کی شدت میں اضافہ،سر درد، چکر، بلڈ پیشر اور غنودگی ہیٹ اسٹروک کی علامات ہو سکتی ہیں لہذا دھوپ میں نکلتے وقت سر کپڑے سے ڈھانپ کر رکھیں۔

محکمہ موسمیات کے مطابق لاہور، فیصل آباد اور ملتان میں آج درجہ حرارت 45 سے 47 اور سکھر میں 49 ڈگری سینٹی گریڈ تک جانے کا امکان ہے جب کہکراچی میں درجہ حرارت 37 ڈگری سینٹی گریڈ تک رہے گا۔ چیف میٹرولوجسٹ کراچی عبدالرشید کا کہنا ہے کہ گرمی کی حالیہ لہر عید الفطر پر بھی برقرار رہے گی۔محکمہ موسمیات کا کہنا ہے کہ آئندہ چند روز میں موسم مزید گرم ہوگا جب کہ گرم ہوائیں بھی چلیں گی، اس بار عید کے پہلے 2 روز بھی موسم گرم اور خشک رہنے کا امکان ہے۔