بجٹ میں سگریٹ پر ٹیکس میں اتنا اضافہ کردیا گیا کہ بہت سے لوگ سگریٹ نوشی سے توبہ کرلیں گے

اسلام آباد : وفاقی حکومت نے آئندہ مالی سال کے بجٹ میں سگریٹ پر ٹیکس میں اضافہ کردیا ہے جس کے باعث سگریٹ کا پیک 10 سے 14 روپے مہنگا ہوجائے گا۔

یہ بھی ضرور پڑھیں : حمزہ شہباز کی گرفتاری‘نیب پنجاب ہیڈکواٹرزمنتقل کردیا گیا

وزیر مملکت برائے ریونیو حماد اظہر نے بجٹ تقریر کرتے ہوئے بتایا کہ سگریٹ میں کی ایف ای ڈی میں اضافہ کر دیا گیا ہے۔ ایک ہزار سگریٹ پر ٹیکس 5 ہزار 200 روپے کردیا گیا ہے ، پہلے یہ ٹیکس 4 ہزار 500 روپے تھا۔ ٹیکس میں اضافے کے باعث سگریٹ کا پیک 10 سے 14 روپے مہنگا ہوجائے گا۔ انہوں نے کہا کہ بجٹ میں عائد کیے جانے والے اضافی ٹیکسوں سے سالانہ آمدنی میں 147 ارب روپے کا اضافہ ہوگا۔

خیال رہے کہ سگریٹ پر ٹیکس میں حالیہ اضافے کے باعث فی سگریٹ ٹیکس ساڑھے 4 روپے سے بڑھ کر 5 روپے 20 پیسے ہوگیا ہے۔