سابق صدر کے وارنٹ گرفتاری پیر کے روز احتساب عدالت میں پیش کیے جائیں گے، گرفتار کیے جانے کا امکان
راولپنڈی : چئیرمین نیب جسٹس ریٹائرڈ جاوید اقبال نے سابق صدر آصف علی زرداری کے وارنٹ گرفتاری جاری کر دیے ہیں۔ ذرائع کے مطابق سابق صدر کے وارنٹ گرفتاری پیر کے روز احتساب عدالت میں پیش کیے جائیں گے۔ آسف علی زرداری کو گرفتار کیے جانے کا امکان ہیں۔ سابق صدر آصف علی زرداری منی لانڈرنگ کیس میں نامزد ہیں۔ میگا منی لانڈرنگ کا کیس کراچی سے راولپنڈی کی احتسابعدالت میں منتقل کیا گیا ہے اور اس کی سماعت احتساب عدالت کے جج ارشد ملک کر رہے ہیں۔
چئیرمین نیب جسٹس ریٹائرڈ جاوید اقبال نے سابق صدر آصف علی زرداری کے میگا منی لانڈرنگ کیس میں وارنٹ گرفتاری جاری کر دیے ہیں۔ اس سے پہلے پارک لین کیس میں ان کے وارنٹ گرفتاری جاری ہو چکے ہیں تاہم انہوں نے اس کیس میں ضمانت قبل از گرفتاری کروا لی تھی ۔
یہ بھی ضرور پڑھیں: شریف خاندان کیلئے نئی مشکل، رمضان شوگر ملزسے متعلق ایسا انکشاف کہ کوئی بھی دنگ رہ جائے
واضح رہے کہ شہباز شریف 10 اپریل کو طبی معائنے کے لیے برطانیہ گئے تھے۔
کیس میں آصف زرداری،فریال تالپورکی عبوری ضمانت میں چھ بار توسیع کی جا چکی ہے جبکہ نیب نےآصف زرداری اور فریال تالپور کی درخواستوں پر جواب جمع کرا رکھا ہے، جس میں آصف زرداری اور فریال تالپور کی عبوری ضمانت کی مخالفت کی گئی ہے‘درخواست گزاروں کی جانب سے بھی نیب کے جواب پر جواب الجواب جمع کرایا گیا.آصف زرداری اور فریال تالپور پر جعلی اکاﺅنٹس سے منی لانڈرنگ کاالزام ہے اور جعلی اکاﺅنٹس کا مقدمہ احتساب عدالت میں زیر التوا ہے. خیال رہے سابق صدر آصف علی زرداری کے خلاف جعلی اکاﺅنٹس کے ذریعے اربوں روپے کی منی لانڈرنگ کا مقدمہ احتساب عدالت میں زیرسماعت ہیں۔
یہ بھی ضرور پڑھیں : وزیراعظم کی خصوصی ہدایت پر افغان مہاجرین پر عائد بڑی پابندی ختم کر دی گئی
کوئی تبصرے نہیں:
ایک تبصرہ شائع کریں