حکومتی اتحادی اختر مینگل کا بلوچستان حکومت گرانے کا اعلان

صوبائی ممبران کی بڑی تعداد حکومتی کارکردگی سے مطمئن نہیں ہے، قوی امید ہے عید کے وزیراعلیٰ بلوچستان کو جمہوری انداز میں ہٹانے میں کامیاب ہوجائیں گے۔ سربراہ بی این پی اخترمینگل کا انٹرویو

اسلام آباد : وفاقی حکومت کی اتحادی جماعتبلوچستان نیشنل پارٹی کے سربراہ اختر مینگل نے بلوچستان حکومت گرانے کا اعلان کردیا، انہوں نے کہا کہ صوبائی ممبران کی بڑی تعداد حکومتی کارکردگی سے مطمئن نہیں ہے،قوی امید ہے عید کے وزیراعلیٰ بلوچستان کو جمہوری انداز میں ہٹانے میں کامیاب ہوجائیں گے۔ انہوں نے نجی ٹی وی کو انٹرویو دیتے ہوئے کہا کہ بلوچستان حکومت اپوزیشن کے خلاف جو انتقامی کاروائیاں کررہی ہے وہ اپنی جگہ پر ہیں۔

یہ بھی ضرور پڑھیں  :سزائے موت پانے والے برگیڈئر (ر) راجہ رضوان کے ’را‘ کے ساتھ تعلقات کب اور کیسے قائم ہوئے اورپاک فوج نے کیسے اس سب کا پتا چلایا:تمام  معلومات منظرعام پر آگئیں

حکومتی ممبران اسمبلی بھی حکومت سے مطمئن نہیں ہیں۔انہو ں نے کہا کہ ہمارے ان تمام ممبران سے رابطے ہیں، ہماری کوشش تھی کہ عید تک حکومت کو ہٹا دیا جائے۔ لیکن اب ہماری کوشش ہے کہ ان کی عید اچھی گزر جائے اور عید کے بعد ٹیک اوور نہیں کریں گے بلکہ ہمارا جمہوری حق ہے ، جمہوری انداز میں اسمبلی کے قواعدوضوابط کے مطابق حکومت کو ہٹائیں گے۔

انہوں نے کہا کہ عید کے بعد اگر ہم حکومت کو ہٹا سکے، جو تعداد ابھی تک جو ہمارے پاس موجود ہے، ہمیں قوی امید ہے کہ حکومت کا ہٹا دیں گے۔

گزشتہ روزسربراہ بی این پی سردار اختر مینگل نے سابق وزیر اعظم شاہد خاقان عباسی  اور چیئرمین پی پی بلاول بھٹو کے ہمراہ میڈیا سے گفتگو کرتے ہوئے کہا کہ ہمیںقومی اسمبلی میں بولنے نہیں دیا گیا، بولنا ہمارا حق ہے، اپوزیشن عوام کی تکلیف کیلئے ہمیشہ کھڑی ہے، کہنے کو تو ہم ایک جمہوری ملک ہیں، کہنے کو تو جمہوریتہے مگر عمل جمہوریت کی خوشبو نہیں آئی، جہاں تک ججز کے خلاف ریفرنسز کا تعلق ہے یہ اچانک کہاں سے نمودار ہوئے، کوئٹہ سانحہ میں ہمارے وکلاء کو شہیدکیا گیا تھا، جمہوریت کی بقاء کیلئے لوگوں نے جیل اور کوڑے کھائے ہیں، ہماری گزارش ہو گی کہ میرانشاہ میں جو واقعہ ہوا تھا اس پر پارلیمانی کمیشن بنایا جائے۔