بنی گالا تجاوزات کیس کی سپریم کورٹ میں سماعت

چیف جسٹس اور عمران خان کے وکیل بابر اعوان کے درمیان دلچسپ مکالمہ

اسلام آباد(07اگست ۔2018ء) سپریم کورٹ میں بنی گالا تجاوزات کیس کی سماعت ہوئی ۔ سماعت کی سربراہی چیف جسٹس جسٹس ثاقب نثار کی قیادت میں بینچ نے کی۔ کیس کی سماعت کے دوران چیف جسٹس نے کہا کہ بنی گالہ تجاوزات کی درخواست خود عمران خان نے دی تھی۔ عمران خان بنی گالا کے مسائل سے آگاہ ہیں۔ عمران خان اپنی حکومت میں لوگوں کیلئے مثال بنیں۔

ضرور پڑھیں:عمران خان کتنے سال پاکستان کے وزیر اعظم رہیں گے ؟معروف ماہر علم نجوم نے بڑی پیش گوئی کردی ،2یا 5سال کے لئے نہیں بلکہ ۔

اس کے جواب میں عمران خان کے وکیل بابر اعوان نے کہا کہ عمران خان ایک مثالیوزیراعظم ہوں گے ۔ وزیراعظم عمران خان کی جانب سے یقین دلاتاہوں کہ وہ اس معاملے کو دیکھیں گے۔ جس پر چیف جسٹس نے بابر اعوان کو ٹوکتے ہوئے کہا کہ عمران خان ابھیوزیراعظم نہیں بنے ۔ اس موقع پر سروے آف پاکستان نے عدالت سے 6 ہفتوں کا وقت مانگا۔ چیف جسٹس نے کہا کہ نئی حکومت کو معاملات دیکھنے کیلئے وقت چاہئے۔ عدالت نے کیس کی سماعت 6ہفتے کیلئے ملتوی کر دی ہے۔