بجٹ میں تنخواہیں، پنشن نہ بڑھنے پر لاہور، ننکانہ صاحب، سرگودھا، اوکاڑہ، پشاور سمیت کئی شہروں میں سرکاری ملازمین اور انکی تنظیموں کا ریلیاں اور کیمپ لگاکر شدید احتجاج، ریلوے مزدوروں (لیبر یونین) نے تیزگام ٹرین کا انجن
احتجاجاً روک لیا اور ریل کا پہیہ مکمل روکنےکی دھمکی دیدی۔
پی او ایف ورکمین تنظیموں کے عہدیداروں نے اپنا حتمی پلان بنانے کے لئے صلاح مشورہ شروع کر دیا ہے
ایپکا کے ملازمین نےبازوئوں پر سیاہ پٹیاں باندھ کر دفاتر
میں کام چھوڑ ہڑتال کرکے تالا بندی کی، اور مہنگائی اور بجٹ کے پتلے اٹھا کر بجٹ کا علامتی جنازہ نکالااور حکومت کیخلاف شدید نعرے بازی کرتے ہوئے وفاقی بجٹ کو ملازمین دشمن قرارد یتے ہوئے مسترد کردیا ۔ ایپکا نے آئی ایم ایف اور حفیظ شیخ کیخلاف ملک گیراحتجاج کااعلان کردیا۔پشاورسول سیکرٹر یٹ کو آرڈنیشن کونسل نے بھی دھرنے کی دھمکی دیدی۔
لاہور میں احتجاج کے دوران صدرریلوے لیبر یونین سرفراز احمد نے کہا کہ موجودہ حکمرانوں نے مزدور دشمنی کا ثبوت دیا۔ملازمین قاتل بجٹ پیش کیا گیا جسے مسترد کرتے ہیں۔انہوں نے کہا کہ بجٹ میں سرکاری ملازمین کی تنخواہوں میں اضافہ نہ کرنے پر مایوسی ہوئی ۔حکومت سے مطالبہ ہے کہ اپنے فیصلے پر نظر ثانی کرے بصورت دیگر احتجاج کا دائرہ کار بڑھا تے ہوئے ملک بھر میں ریل کا پہیہ روک دینگے۔
کوئی تبصرے نہیں:
ایک تبصرہ شائع کریں