اسلام آباد : حکومت نے میٹروبس پر سبسڈی ختم کرنے کا فیصلہ کرلیا ہے اور نجی ٹی وی چینل کے مطابق اس سلسلے میں وزیراعظم عمرا ن خان نے منظوری بھی دیدی تاہم انتہائی حیران کن انکشاف ہوا ہے کہ حکومت نے میٹروبس پر 1بلین کی سبسڈی ختم کرکے جہانگیرترین کی شوگر ملز سمیت شوگرملوں کو 21.44بلین کی سبسڈی دیدی۔یہ بھی کہا جارہا ہے کہ ممکنہ طورپر یہ فہرست مئی 2018 کی ہےلیکن تصدیق نہیں ہوسکی تاہم مئی میں تحریک انصاف کی حکومت اقتدار سنبھال چکی تھی۔
یہ بھی ضرور پڑھیں : حکومت کا 300 یونٹ والے صارفین کو سبسڈی دینے کا فیصلہ
ایک سوشل میڈیا صارف نے شوگرملوں کی فہرست اور ملنے والی سبسڈی کی تصویرشیئرکرتے ہوئے لکھا ’کہ ایک بلین سبسڈی ختم کرکے تقریباً 20بلین سبسڈی شوگرملز کودیدی گئی ، مجھے اس طرح کے نئے پاکستان کی ضرورت نہیں، پرانے پاکستان میں بہت خوش تھا جہاں ایک غریب شخص آسانی سے لاہور میٹرومیں سفر کرسکتاتھا‘۔
فہرست کے مطابق جے ڈی ڈبلیو شوگرملز کو سب سے زیادہ 2.06بلین کی سبسڈی دی گئی اور یہاں یہ امر بھی قابل ذکر ہے کہ جے ڈی ڈبلیو گروپ کے ڈائریکٹر تحریک انصاف کے رہنما جہانگیر خان ترین ہیں۔
کوئی تبصرے نہیں:
ایک تبصرہ شائع کریں