سعودی وزارت محنت نے ریٹیل سیل سے تعلق رکھنے والے 12 شعبوں کی سعودائزیشن کے فیصلے کے نفاذ کے لئے لائحہ عمل جاری کردیا
یکم محرم سے سعودی وزارت محنت نے ریٹیل سیل سے تعلق رکھنے والے 12 شعبوں کی سعودائزیشن کے فیصلے کے نفاذ کے لئے لائحہ عمل جاری کردیا۔ تفصیلات کے مطابق سعودی حکومت نے یکم محمر سے 12 شعبوں میں غیر ملکیوں پر پابندی عائد کرنے کی تیاریاں تیز کر دی ہیں۔
اس سلسلے میں سعودی وزارت محنت نے ریٹیل سیل سے تعلق رکھنے والے 12 شعبوں کی سعودائزیشن کے فیصلے کے نفاذ کے لئے لائحہ عمل جاری کردیا ہے۔ سعودی ذرائع ابلاغ کے مطابق گاڑیاں اور سائیکلوں کی دکانوں، تیار شدہ کپڑوں کی دکانوں،بچوں کے کپڑوں کی دکانوں،مردانہ اشیاء فروخت کرنے کی دکانوں ،گھریلو اور دفتری اشیاء فروخت کرنے کی دکانوں میں یکم محرم سے غیر ملکی کام نہیں کرسکیں گے۔
دوسری جانب میڈیارپورٹس کے مطابق دوسری سہ ماہی میں 3لاکھ 13ہزار غیر ملکی ملازم نجی اداروںسے فارغ کئے گئے جبکہ پہلی سہ ماہی کے دوران 199.5ہزار غیر ملکی ملازمین کو رخصت کیا گیا تھا۔ 2017ء کے دوران 5لاکھ86ہزار غیر ملکیوں کو فارغ کیاگیا۔ اس طرح ڈیڑھ برس کے دوران نجی اداروںسے فارغ کئے جانے والے غیر ملکی ملازمین کی تعداد 11لاکھ تک پہنچ گئی۔
جنرل کارپوریشن نے سعودی ملازمین سے متعلق اعدادوشمار دیتے ہوئے بتایا کہ سال رواں کی دوسری سہ ماہی کے اختتام پر سوشل انشورنس میں شامل سعودیملازمین کی تعداد 1.733.560تک آگئی جبکہ 2017ء کے آخر میں انکی تعداد 1.779.460تھی۔ اس سے ظاہر ہوتا ہے کہ سال رواں کے ابتدائی 6ماہ کے دوران سوشل انشورنس میں شریک سعودیوں کی تعداد میں 45.9ہزار کی کمی واقع ہوئی جبکہ ڈیڑھ برس کے دوران نجی اداروں نے 58.4 ہزار سعودیوں کو روزگار فراہم کیا۔ 2016ء کی آخری سہ ماہی میں انکی تعداد 1.675.172 تھی۔2018ء کی دوسری سہ ماہی کے اختتام پر انکی تعداد 1.395.560ہوگئی۔ نجی اداروں سے سال رواں کی دوسری سہ ماہی کے دوران غیر ملکی ملازمین کو فارغ کرنے کی شرح میں غیر معمولی اضافہ دیکھنے میں آیا۔
کوئی تبصرے نہیں:
ایک تبصرہ شائع کریں