ٹیکسلا: خاتون کے قتل کا سراغ مل گیا

ٹیکسلا میں قتل کی گئی خاتون کی لاش کنویں سے مل گئی ہے، خاتون کو 2 ماہ قبل قتل کیا گیا تھا۔

پولیس کا کہنا ہے کہ ملزمان احسن اور محمود نےصنوبر بی بی کو اغواء کرکے قتل کیا، ملزمان نےخاتون سے زیادتی کی کوشش کی اور مزاحمت پر اسے قتل کردیا۔

یہ بھی پڑھیے:مولانا فضل الرحمان : فوری نئے انتخابات کرائے جائیں، پھرنئی پارلیمنٹ آکر قانون سازی کرے گی، ان کو سمری تو بنانی نہیں آتی، ان کو کیا معلوم قانون کیا کہتا ہے؟ سکھر میں کانفرنس سے خطاب

پولیس کے مطابق ملزمان کی نشاندہی پر 1122 نے لاش کنویں سےنکال لی، قتل پر پردہ ڈالنے کے لیے کنویں میں بھاری مقدارمیں کچرا پھینکا گیا، کنویں سے لاش نکالنے کے لیےدو دن تک آپریشن جاری رہا۔

خاتون کےقتل میں ملوث 2 ملزمان کو گرفتار کرلیا گیا جبکہ لاش پوسٹ مارٹم کے لیے اسپتال منتقل کردی۔
اسپیشل رپورٹ 
Copied From Wall of Raja Bertagen Turk
ٹیکسلا (راجہ خلجی سے) سٹی چوکی پولیس ٹیکسلا کی شاندار کارکردگی ایس ایچ او تھانہ ٹیکسلا ملک سہیل ظفر کی خصوصی ہدایات پر تفتیشی افسر اے ایس آئی محمد اقبال نے دن رات ایک کرکے اپنی پیشہ وارانہ مہارت اور صلاحیتوں کو بروئے کار لاتے ہوئے اندھے قتل کا سراغ لگا لیا تفصیلات کے مطابق ایبٹ آباد کے رہائشی محمد ریاض ولد دل محمد نے 16 ستمبر 2019 کو سٹی چوکی پولیس ٹیکسلا میں اپنی زوجہ صنوبر بی بی عرف شازیہ کے اغوا کی ایف آئی آر درج کرائی ایف آئی آر میں محمداشتیاق سکنہ میانوالی ۔ کرن جمیل آباد ۔نوشی سکنہ نہر سٹاپ کو نامزد کیا گیا تھاتفتیشی افسرمحمد اقبال نے نامزد ملزمان کے خلاف اپنی تمام صلاحیتیں بروئے لاتے ہوئے تفتیش عمل میں لائی تو انکشاف ہوا کہ مذکورہ تمام نامزدملزمان بے قصور ہیں جس پر انہوں نے اپنی تفتیش کا دائرہ کار وسیع کرتے ہوئے مغویہ صنوبر بی بی کو بازیاب کرانے کے سائنسی و تکنیکی بنیادوں پر جدید طریقوں سے مدد لیتے ہوئے تفتیش شروع کی موبائل ڈیٹا پر تحقیقات کی گئیں تو اصل مجرموں تک قانون کے ہاتھ جا پہنچے محمود احمد اور احسن علی نامی مجرموں کو گرفتار کیا گیا تفتیش کرنے پر مجرموں نے اپنا جرم قبول کرلیا ان کی نشاندہی پر لوسر شرفو علاقہ تھانہ صدرواہ کے ایک غیرآباد مکان کے کنوئیں سے دو ماہ بعد مغویہ صنوبر بی بی کی نعش برآمد ہوئی اس موقع پر 1122 نے شاندار کارکردگی کا مظاہرہ کیا کنویں کے اندر پھینکا گیا کچرہ دو دن کی انتھک مشقت اور محنت کے بعد نکال دیا گیاملزمان نے زیادتی کے بعد صنوبر بی بی کو چھری کے وار کر کے قتل کیا پھر اس کی لاش کو کنویں میں پھینک کر پوری ایک دیوار جو کے بلاکوں کی بنی ہوئی تھی توڑ کر کنویں کے اندر ڈالی گئیں اینٹیں پتھر اور پھر ایک پوری ٹرالی مٹی کی بھی ڈالی گئی یہ تمام کچرا 1122والوں نے دو دن مسلسل کام کر کے نکالاتب جاکر صنوبر بی بی کی لاش نکالی جاسکی بعدازاں پوسٹ مارٹم اور دیگر ضروری قانونی کارروائی مکمل کرکے نعش ورثا کے حوالے کردی گئی اہلیان علاقہ نے پولیس اورون ونٹو ٹو 1122کی اس شاندار کارکردگی کو سراہا .