اہور : مسلم لیگ ن کی ترجمان مریم اورنگزیب کا کہنا ہے کہ حکومت امیروں کے قرض معاف کرکے غریبوں کے زخموں پر نمک چھڑک رہی ہے، حکومت نے علیمہ باجی، جہانگیر ترین کے بعد تیسرا این آر او300 ارب کے قرض معاف کرکے دیا۔
اپنے ایک بیان میں ترجمان مسلم لیگ ن مریم اورنگزیب کا کہنا تھا کہ عمران خان حکومت چور ہے اس لئے قوم ٹیکس نہیں دے رہی، علیمہ باجی اور جہانگیر ترین کے بعد تیسرا این آر او300 ارب کے قرض معاف کرکے دیا گیا ہے۔حکومت امیروں کے قرض معاف کرکے غریبوں کے زخموں پر نمک چھڑک رہی ہے۔
یہ بھی ضرور پڑھیں : حکومت کی’خفیہ ایمنسٹی‘ سکیم، اس کے تحت اپنے دوستو ں کے اربوں روپے معاف کیے گئے؟ سینئر صحافی نے تہلکہ خیز انکشاف کردیا
انہوں نے کہا کہ عمران خان جھوٹے ٹویٹس کر کے عوام کو بیوقوف نہیں بنا سکتے، بدترین نالائقی ہے کہ حکومت اپنے ہی متعین کردہ اہداف بھی حاصل کرنے میں ناکام ہوگئی۔تاریخی ملکی و غیرملکی قرضے، روپے کی قدر میں کمی ، بدترین مہنگائی، بجلی اور گیس کی قیمتوں میں ظالمانہ اضافے کے باوجود معاشی اہداف پورے نہیں ہورہے
مریم اورنگزیب کا کہنا تھا کہ معاشی اہداف میں ناکامی سے حکومتی معاشی ٹیم کے دعوے پھر جھوٹ ثابت ہوئے،معاشی اہداف سے لے کر قوم سے وعدوں تک عمران خان ہر ہدف پورا کرنے میں ناکام ہوئے ہیں۔ نئے مالی سال کے دو ماہ میں 64 ارب کا ریکارڈ رینونیو شارٹ فال حکومتی نالائقی اور نااہلی کی بدترین مثال ہے۔
کوئی تبصرے نہیں:
ایک تبصرہ شائع کریں