نجم سیٹھی نے قومی اسمبلی میں فارورڈ بلاک بننے کا اشارہ دے دیا
وزیراعظم کو ڈر ہے کہ بجٹ منظوری کے وقت حکومت کے 10سے15ارکینِ قومی اسمبلی آگے پیچھے ہو سکتے ہیں اس لیے وزیراعظم کی طرف سے سپیکر قومی اسمبلی پر بہت زیادہ دباؤ ہے: سینئیر صحافی
انہوں نے کہا کہ وزیراعظم عمران خان کی طرف سے سپیکر قومی اسمبلی پر بہت دباؤ ہے، انہیں ڈر لگ رہا ہے کہ بجٹ منظوری کے وقت 10سے15لوگ آگے پیچھے ہو سکتے ہیں۔ انہوں نے مزید بتایا کہ عباسی صاحب کہہ رہے تھے کہ ان کے پاس پاکستان تحریکِ انصاف کے 10,15لوگ آئے تھے اور انہوں نے کہا تھا کہ انہیں فنڈز نہیں مل رہے،عباسی صاحب بھی اپنے لیڈر کو بتا رہے ہیں کہ اگر فنڈ نہیں دیں گے تو ہم بھی دوسری طرف جا سکتے ہیں۔
نجم سیٹھی نے کہا کہ بجٹ منظوری کے وقت کچھ بھی ہو سکتا ہے اور حکومتی اراکین کی جانب سے فارورڈ بلاک بنائے جانے کا بھی خدشہ ہے جبکہ حکومتی اراکین اپوزیشن کے ساتھ مل کربجت کی منظوری کو روک سکتے ہیں کیونکہ بجت منظوری کے لیے ووٹ سیکرٹ بیلٹ کے ذریعے دیا جاتا ہے۔انہوں نے مزید بتایا کہ ایم کیو ایم کو اپوزیشن کہہ رہی ہے کہ آپ ہماری طرف آ جائیں ہم مل کر حکومت بنائیں گے اور اب ایم کیو ایم حکومت سے پوچھ رہی ہے کہ ہمیں یہ کہا جارہا ہے آپ کیا کہتے ہیں؟ سینئیر صحافی نے کہا کہ سب اپنے اپنے حصے کا گوشت مانگ رہے ہیں، سب اپنے اپنے حلقے کے لیے فنڈ مانگ رہے ہیں اور ان فنڈز سے بنائے جانے والے منصوبوں سے کک بیکس لیے جائیں گے اور اب حکومت کو بھی لگ رہا ہے کہ انہیں یہ فنڈ دینے ہوں گہ ورنہ ہو سکتا ہے کہ یہ حکومت ہی اڑ جائے
سب سے زیادہ پڑھی جانے والی خبریں
کوئی تبصرے نہیں:
ایک تبصرہ شائع کریں