احتساب عدالت میں نواز شریف, یوسف رضا گیلانی اور زرداری طلب

احتساب عدالت نے سابق وزیرِ اعظم نواز شریف اور سابق صدر آصف علی زرداری کو طلب کرلیا۔

جعلی اکاؤنٹس کیس میں پیش رفت ہوئی ہے، توشہ خانہ ریفرنس کی سماعت کرتے ہوئے احتساب عدالت نے نواز شریف اور آصف علی زرداری کو طلب کیا ہے۔

یہ بھی پڑھیئے: نیب نے وفاقی وزیر غلام سرور کیخلاف شکایت پر انکوائری شروع کردی

عدالت کی جانب سے سابق وزیرِ اعظم اور پاکستان پیپلز پارٹی کے رہنما یوسف رضا گیلانی کو بھی توشہ خانہ ریفرنس میں 29 مئی کو طلب کیا گیا ہے۔

قومی احتساب بیورو (نیب) نے عدالت میں مؤقف اختیار کیا ہے کہ آصف زرداری اور نواز شریف نے یوسف رضا گیلانی سے غیر قانونی طور پر گاڑیاں حاصل کیں۔

نیب کا کہنا ہے کہ آصف زرداری نے گاڑیوں کی صرف 15 فیصد ادائیگی جعلی اکاؤنٹس کے ذریعے کی، لیبیا اور یو اے ای سے بھی آصف زرداری کو بطور صدر گاڑیاں تحفے میں ملیں۔

یہ بھی پڑھیئے: عثمان بزدار کی انکوائری کمیٹی کے سامنے کی گئی باتوں نے نیا پنڈورا بکس کھول دیا.

نیب کا کہنا ہے کہ سابق صدر آصف زرداری نے گاڑیاں توشہ خانے میں جمع کرانے کے بجائے خود استعمال کیں۔

نیب نے کہا ہے کہ نواز شریف 2008ء میں کسی بھی عہدے پر نہیں تھے، انہیں 2008ء میں بغیر کوئی درخواست دیئے توشہ خانے سے گاڑی دی گئی۔

یہ بھی پڑھیئے: نیب کے ریڈار میں آنے کے بعد وزیر ہوا بازی نے اپنی خواہش کا اظہار کر دیا

نیب کے مطابق گاڑیوں کی ادائیگی عبدالغنی مجید نے جعلی اکاؤنٹس سے کی، انور مجید نے انصاری شوگر ملز کے اکاؤنٹس سے 2 کروڑ روپے سے زائد کی غیر قانونی ٹرانزیکشنز کیں۔

نیب کا مزید کہنا ہے کہ انور مجید نے آصف زرداری کے اکاؤنٹس میں بھی 9 اعشاریہ 2 ملین روپے ٹرانسفر کیے، عبدالغنی مجید نے 37 ملین روپے کسٹم کلیکٹر اسلام آباد کو ٹرانسفر کیے۔

قومی احتساب بیورو کا یہ بھی کہنا ہے کہ ملزمان نیب آرڈیننس کی سیکشن 9 اے کی ذیلی دفعہ 2، 4، 7 اور 12 کے تحت کرپشن کے مرتکب ہوئے۔

آصف زرداری کی موت کی زیر گردش خبریں بے بنیاد ہیں،فاروق ایچ نائیک

کراچی : پاکستان پیپلزپارٹی کے سینئر رہنماء قانون دان فاروق ایچ نائیک نے کہا ہے کہ آصف زرداری کی موت کی زیر گردش خبریں بے بنیاد ہیں، آصف زرداری کو کئی بیماریاں ہیں، ہاتھ بھی کانپتے ہیں، وہ کورونا کی وجہ سے گھر پر ہی رہتے ہیں۔ انہوں نے سپریم کورٹ کراچی رجسٹری میں پیشی کے موقع پر میڈیا سے گفتگو میں بتایا کہ سابق صدر آصف زرداری کی موت کی خبریں بےبنیاد اور من گھڑت ہیں،ایسی خبروں میں کوئی صداقت نہیں ہے۔

یہ بھی پڑھیئے: لاڑکانہ: محلہ علی گوہر آباد 6 افراد کی ہلاکت کے بعد سیل

آصف زرداری کورونا کے باعث اپنے گھر پر ہی وقت گزارتے ہیں۔ انہوں نے کہا کہ چند روز سے سوشل میڈیا پر آصف زرداری کی صحت کے حوالے سے خبریں زیرگردش ہیں۔ جس پر میں واضح کرنا چاہتا ہوں کہ سابق صدر بالکل ٹھیک ہیں اور وہ اپنے گھر پر ہی ہیں۔

آصف زرداری کو متعدد بیماریاں لاحق ہیں، ان کی کمر میں تکلیف رہتی ہے، کمزوری کی وجہ سے ان کے ہاتھ بھی کانپتے ہیں۔

لیکن وہ ٹھیک ہیں۔ واضح رہے سابق صدر مملکت آصف علی زرداری نے وزیراعظم عمران خان جنرل مشرف کے نقش قدم پر چل رہے ہیں، حکمران پھر ملک کو مشرف دور کی طرف لے کرجارہے ہیں۔ وہ پیپلز پارٹی وسطی پنجاب کے صدر قمر زمان کائرہ سے ٹیلیفونک رابطے میں گفتگو کررہے تھے۔ قمر زمان کائرہ نے آصف علی زرداری سے کورونا وائرس ، سیاسی صورتحال اور پارٹی امور پر تبادلہ خیال کیا۔

آصف علی زرداری نے کرونا پرفکر مندی اور حکومتی فیصلوں پر تحفظات کا اظہار کیا۔انہوں نے کہا کہ جب 2008 میں پیپلز پارٹی کو اقتدار ملا تو ملک دہشتگردی اور نفاق کا شکار تھا۔ ہم نے قومی اتفاق رائے سے سوات آپریشن کیا اور امن لے کر آئے،ملک میں اناج کا بحران تھا، آٹے پر جھگڑے ہو رہے تھے۔ ہم نے ملک کو خوراک میں خودکفیل کیا۔ آصف علی زرداری نے کہا کہ ہم نے قومی اتفاق رائے سے آئین میں ترامیم کیں اور صوبوں کو حقوق دیئے ، بد قسمتی سے حکمران پھر ملک کو مشرف دور کی طرف لے کرجارہے ہیں ۔

سلیکٹڈ اور سلیکٹر قبول نہیں، ہم پنڈی آرہے ہیں، بلاول بھٹو

پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ ہمیں کوئی سلیکٹڈ اور سلیکٹرز قبول نہیں، فیصلہ کرلیا ہے کہ ہم راولپنڈی آرہے ہیں۔

ضرور پڑھیں:  ہوسکتا ہے کہ نواز شریف کو زہر دیا گیا ہو: سابق وزیراعظم کے برطانوی ڈاکٹر نے بھی خدشہ ظاہر کردیا

کوئٹہ میں خطاب کے دوران بلاول بھٹو زرداری نے کہاکہ عوام سے طاقت چھین کر سلیکٹرز کو دی جارہی ہے، ہمارے لیے عوام کی مرضی چل سکتی ہے کسی امپائر کی انگلی نہیں۔

انہوں نے کہا کہ وفاق اپنی ناکامی کا بوجھ عوام پر ڈال رہا ہے، اس وقت معیشت پی ٹی آئی ایم ایف کی مرضی سے چل رہی ہے، لیاقت باغ سے پیغام دیں گے کہ طاقت کا سرچشمہ عوام ہیں۔

ضرور پڑھیں:  عمران خان پاکستان کی تاریخ کے ناکام ترین وزیر اعظم ثابت ہوئے ہیں:علامہ خادم رضوی

پی پی چیئرمین نے مزید کہا کہ مل کر کٹھ پتلیوں کا راج ختم کرنا ہے اور عوامی راج قائم کرنا ہے، ہم نے آمریت کا مقابلہ کیا، یہ کٹھ پتلی تو کوئی چیز ہی نہیں، یہ سمجھتے ہیں کہ بینظیر کے بیٹے کو ڈرا سکتے ہیں تو یہ ان کی بھول ہے۔

ان کا کہنا تھا کہ ہم نے بینظیر کی شہادت کے بعد بھی کہا تھا کہ جمہوریت بہتر انتقام ہے، ہم نے اٹھارہویں ترمیم سے بھٹو کا آئین بحال کیا، جمہوریت بحال کی، صوبوں کو اختیارات دیے۔

بلاول بھٹو نے یہ بھی کہا کہ ہم انقلابی انکم سپورٹ پروگرام لے کر آئے، ہم نے بلوچستان کے لیے انقلابی تاریخی اقدامات کیے، اس وقت اٹھارہویں ترمیم اور این ایف سی ایوارڈ پر عمل درآمد نہیں ہورہا۔

ضرور پڑھیں: اگلا وزیراعظم بلاول بھٹو ہو گا: آصف علی زرداری

انہوں نے کہا کہ جو ہم بلوچستان کے عوام کو سی پیک سے فائدہ پہنچانا چاہتے ہیں یہ نااہل حکمران نہیں پہنچاسکتے، سلیکٹڈ کو بٹھا کر اٹھارہویں ترمیم پر حملے کروائے جارہے ہیں۔

پی پی چیئرمین نے کہا کہ اس وقت ملکی سیاست جمہوری نہیں، عوام کے نہیں سلیکٹڈ اور سلیکٹرز کے مفاد کی ہے، یہ کونسی آزادی ہے کہ سلیکٹڈ اسلام آباد میں بیٹھ کر صوبوں کے آئینی کام میں مداخلت کرے؟

ان کا کہنا تھا کہ نہ ہمیں بنیادی و معاشی حقوق، نہ معیشت کا تحفظ ہے، وفاق اپنی ناکامی کا بوجھ عوام پر ڈال رہا ہے، ایک کروڑ نوکریاں دینے کا اعلان کرنے والا سلیکٹڈ اب روزگار چھین رہا ہے، عوام مہنگائی کی سونامی میں ڈوب رہے ہیں، ٹیکسز کے طوفان میں چھوٹے دکانداروں کو دھکیل دیا گيا ہے۔

بلاول بھٹو زردری نے مزید کہا کہ اگر سلیکٹڈ خیال رکھتے ہیں تو عوام کا نہیں کسی اور کا خیال رکھتے ہیں، یہ سلیکٹڈ وزیراعظم جن چور ڈاکوؤں کے خلاف 20 سال چیختا رہا ان کے لیے اب ٹیکس ایمنسٹی اسکیم لے آیا، ہم نے اپنی حکومت ميں گلوبل ریسیشن کا مقابلہ کیا۔

ضرور پڑھیں: عابد علی کا ورلڈ ریکارڈ ... 142سالہ تاریخ میں ٹیسٹ او ر ون ڈ ے ڈیبیو پر سنچریاں سکور کرنے والے پہلے کرکٹر بن گئے

انہوں نے یہ بھی کہا کہ آصف زرداری نے تنخواہوں میں 150فیصد ، پنشن میں سو فیصد اضافہ کیا، سلیکٹڈ آج بھی سمجھتے ہیں کہ پیپلز پارٹی کو دبا سکتے ہیں، یہ ان کی بھول ہے، آج بھی پیپلز پارٹی کے خلاف سازشیں ہو رہی ہیں۔

پی پی چیئرمین کا کہنا تھا کہ انہوں نے آصف زرداری کو 6 ماہ راولپنڈی میں قید رکھا، طبی سہولیات نہیں دیں، سابق صدر کی صحت کو نقصان تو ہوا لیکن حوصلے وہی ہیں، ہم خود پر ہونے والا ظلم برداشت کرسکتے ہیں لیکن عوام پر ہونے والا ظلم برداشت نہیں۔

بلاول بھٹو زرداری نے نعرہ لگایا کہ ’چلو چلو پنڈی چلو‘ہم نے مل کر کٹھ پتلیوں کا راج ختم کرنا، عوامی راج قائم کرنا ہے۔