ووٹوں کی دوبارہ گنتی مکمل، ن لیگ سے این اے 91 کی نشست چھن گئی

سپریم کورٹ کے حکم پر کی جانے والی ووٹوں کی دوبارہ گنتی میں تحریک انصاف کے امیدوار کو ن لیگ کے امیدوار پر 12 سو سے زائد ووٹوں کی برتری حاصل ہوگئی

ووٹوں کی دوبارہ گنتی مکمل ن لیگ سے این اے 91 کی نشست چھن گئی، سپریم کورٹ کے حکم پر کی جانے والی ووٹوں کی دوبارہ گنتی میں تحریک انصاف کے امیدوار کو ن لیگ کے امیدوار پر 12 سو سے زائد ووٹوں کی برتری حاصل ہوگئی۔ تفصیلات کے مطابق پارلیمانی سیاست میں مسلم لیگ ن کو زبردست دھچکا پہنچا 

ہے۔

یہ بھی ضرور پڑھیں : موجودہ حکومت کی سو دن کی کارکردگی سابقہ حکمرانوں کی دس سالہ کارکردگی پر بھاری ہے ایم پی اے عمار صدیق خان کی میڈیا سے گفتگو

مسلم لیگ ن سے قومی اسمبلی کی اہم نشست چھن گئی ہے۔ سرگودھا کے حلقہ این اے 91میں ووٹوں کی دوبارہ گنتی میں تحریک انصاف کے امیدوار چودھری عامر سلطان چیمہ کو مسلم لیگ ن کے رکن قومی اسمبلی ذوالفقار علی بھٹی پر واضح برتری حاصل ہو گئی ہے۔ 25 جولائی 2018 کے عام انتخابات میں این اے 91 سرگودھا سے مسلم لیگ ن کے ڈاکٹر ذوالفقار علی بھٹی نے کانٹے دار مقابلے کے بعد محض چند ووٹوں سے تحریک انصاف کے امیدوار کیخلاف فتح حاصل کی تھی۔

 محض چند ووٹوں سے شکست کھا جانے کے بعد تحریک انصاف کے امیدوار چودھری عامر سلطان چیمہ نے سپریم کورٹ سے رجوع کیا تھا۔ بعد ازاں سپریم کورٹ کے حکم پر ریٹرننگ افسر نے ووٹوں کی دوبارہ گنتی شروع کی۔ اب الیکشن کمیشن کی جانب سے بتایا گیا ہے کہ این اے 91 کے تمام پولنگ سٹیشنوں کے ووٹوں کی دوبارہ گنتی مکمل کر لی گئی ہے۔ دوبارہ گنتی مکمل ہونے کے بعد تحریک انصاف کے عامر سلطان چیمہ نے فتح حاصل کر لی ہے۔

یہ بھی ضرور پڑھیں : ٹیکسلا:محلہ پھلائیاں دو روز گزرنے کے بعد بھی گیس کی سپلائی بحال نہ ہوسکی

تحریک انصاف کے عامر سلطان چیمہ نے 12 سو سے زائد ووٹوں کی لیڈ حاصل کرکے ن لیگ سے فتح چھینی ہے۔ الیکشن کمیشن نے ووٹوں کی دوبارہ گنتی مکمل کرکے رپورٹ سپریم کورٹ کو بھیج دی ہے۔ یہاں یہ بات بھی یاد رہے کہ دوبارہ گنتی کے دوران پولنگ بیگز کی سیلیں ٹوٹی ہونے پر گنتی روک کر ریٹرننگ آفیسر نے الیکشن کمیشن کو معاملے کی تحقیقات کرانے کاخط لکھا تھا جس کے جواب میں الیکشن کمیشن نے گنتی کا عمل مکمل کر کے اس کے ساتھ مفصل رپورٹ بھجوانے کی ہدایت کی تھی۔ یہ بھی یاد رہے کہ مسلم لیگ ن کے ذوالفقار علی بھٹی 87 ووٹوں کی برتری سے ایم این اے منتخب ہوئے تھے، تاہم اب ان سے یہ نشست چھن گئی ہے۔