کراچی: پاک سوزکی نے نئی متعارف کروائی گئی گاڑی ” آلٹو “ کی قیمت مزید بڑھا دی ہے ۔
تفصیلات کے مطابق قیمتوں میں اضافے کا کمپنی کی جانب سے اعلامیہ جاری کر دیا گیاہے جس کے مطابق آلٹو کی نئی قیمت 13 لاکھ آٹھ ہزار سے بڑھاکر 15 لاکھ 18 ہزار کردی گئی ہے جبکہ اس کا اطلاق آج سے ہوگیا ہے۔ کمپنی کی طرف سے ڈیلرز کو ہدایت نامہ جاری کردیا گیا ہے۔مارچ کے مہینے میں متعارف کروائی گئی آلٹو کی قیمت میں مجموعی طور پر دو لاکھ 10 ہزار روپے بڑھائے گئے ہیں۔
جنوری 2018 سے 2019 کے درمیان کئی دیگر گاڑیوں کی قیمتیں بھی بڑھائی گئیں۔سب سے زیادہ قیمت سوو¿فٹ کی پانچ لاکھ 39 ہزار بڑھائی گئی جبکہ ویگنور کی قیمت میں ایک سال میں پانچ لاکھ 11ہزار اضافہ کیا گیا۔اسی طرح کلٹس کی قیمت چار لاکھ 95 ہزار تک بڑھائی گئی جبکہ مہران وی ایکس آر ایک لاکھ 81 ہزار مہنگی ہوئی۔
کوئی تبصرے نہیں:
ایک تبصرہ شائع کریں